Spesialkonsulent løn

Om arbeidsstadenPersonal – og organisasjonsutvikling har ansvar for personaladministrasjon, kompetanseutvikling, organisasjonsutvikling, leiarutvikling, rekruttering, HMS og sjukefråvær, arbeidsrettslege tema, arbeidsgjevarpolitikk, drøftingar og forhandlingar med arbeidstakarorganisasjonar. Austevoll kommune har fokus på digitalisering, vidareutvikling og forbetring av rutinar og stillinga skal bidra til at vi driftar kommunen effektivt og utviklar kommunen som arbeidsgjevar til beste for både tilsette og innbyggjarane. Om stillingaVi har ledig stilling som spesialkonsulent løn.  Stillinga er operativ og saksbehandlande, ligg i eining for personal- og organisasjon og rapporterer til personalsjef. Lønsfunksjonen består i dag av 2 stillingar og stillinga som spesialkonsulent vil fagleg rapportere til fagleiar som har koordineringsansvar for lønsområde.  Vi søker ein dyktig og strukturert spesialkonsulent som vil bidra til korrekt og effektiv lønshandtering i kommunen. Stillinga skal bidra til fagleg forsvarleg saksbehandling, god kvalitet i lønsarbeidet og god støtte til leiarar og tilsette i lønsrelaterte spørsmål. Arbeids- og ansvarsområde registrere og kontrollere lønsgrunnlag, variabel løn, fråvær, refusjonar, reiserekningar og andre lønsopplysningar gjennomføre lønskøyringar og kontrollere at løn blir utbetalt korrekt og til rett tid behandle spørsmål frå tilsette og leiarar om løn, skatt, trekk og refusjonar følge opp sjukepengerefusjonar og andre refusjonsordningar kontrollere og kvalitetssikre data i løns- og personalsystem utføre rapportering til offentlege styresmakter bidra til arkivering, dokumentasjon og internkontroll følge gjeldande lover, tariffavtalar, reglement og rutinar medverke til å utvikle og forbetre arbeidsprosessar innan lønsområdet bistå med oppsett, opplæring og rettleiing i tidsregistreringssystem vere fagleg støtte for leiarar og tilsette i lønsrelaterte spørsmål vere kontaktperson for eksterne aktørar i konkrete lønssaker når det er avtalt KvalifikasjonskravFormelle kvalifikasjonskrav relevant høgare utdanning på minimum bachelornivå. Relevant erfaring frå arbeidsområdet kan erstatte utdanningskravet erfaring og kompetanse innan arbeidsområdet er ønskeleg kjennskap til administrative datasystem og generelt god IKT-kompetanse, kjennskap til Visma lønssystem er ein fordel kjennskap til lov- og avtaleverk erfaring frå offentleg og kommunal forvaltning er ein fordel internasjonale gradar må vere godkjende av NOKUT Personlege eigenskapar gode kommunikasjons- og samarbeidsevner imøtekommande, tillitvekkande og profesjonell arbeider systematisk og strukturert er nøyaktig og kvalitetsmedviten tar initiativ og bidrar til god framdrift er positiv og bidrar til eit godt arbeidsmiljø Vi tilbyrmoglegheit for fagleg utvikling  varierte og spennande arbeidsoppgåver innan lønsfeltet løn etter kvalifikasjonar fleksibel arbeidstid gode pensjons- og forsikringsordningar Slik søker duSend søknad og CV ved å klikke på knappen merka "Søk stilling" på denne sida. Det er søkar sitt ansvar å sørge for at alle relevante vedlegg er lagt inn innan fristen, som for eksempel attester og vitnemål. Dersom vitnemål, karakterutskrifter eller annan dokumentasjon ikkje er på eit skandinavisk språk eller engelsk, må søkar sjølv laste opp attesterte omsettingar. Ikkje send søknad på e-post til enkeltpersonar i kommunen. Vi gjer merksam på at i følge offentleglova § 25, 2. ledd kan opplysningar om søkaren bli offentleggjort sjølv om søkaren har oppmoda om ikkje å bli ført opp på offentleg søkarliste. Søkaren vil alltid bli varsla på førehand dersom søkarlista blir offentleggjort.