Seniorrådgjevar (gruppeleiar – digitale infrastrukturar og forskingsdata)

Kunnskap som formar samfunnetUiB skal vere blant Europas fremste universitet, internasjonalt kjent for høg kvalitet i forsking og utdanning. Som samfunnsinstitusjon skal vi bidra til ei berekraftig og demokratisk utvikling og vere ein attraktiv og inkluderande studie- og arbeidsplass. Video: https://youtu.be/M5n6RnScNgAØnskjer du å leie og utvikle Universitetsbibliotekets arbeid med digitale infrastrukturar og forskingsdata?Blir du inspirert av å arbeide tverrfagleg i innovative og kunnskapsrike miljø? Vi søker seniorrådgjevar til å leie og utvikle Faggruppa for digitale infrastrukturar og forskingsdata innanfor Seksjon for digitale infrastrukturar og open vitskap. Seniorrådgjevar (gruppeleiar – digitale infrastrukturar og forskingsdata) Ved Universitetsbiblioteket i Bergen er det ledig ei fast 100 % stilling som seniorrådgjevar - gruppeleiar for Faggruppa for digitale infrastrukturar og forskingsdata innanfor Seksjon for digitale infrastrukturar og open vitskap. Seksjon for digitale infrastrukturar og open vitskap består av to faggrupper: Digitale språksamlingar og Digitale infrastrukturar og forskingsdata. Faggruppa for digitale infrastrukturar og forskingsdata har for tida 13 medarbeidarar.  Faggruppa for digitale infrastrukturar og forskingsdata spelar ei nøkkelrolle i Universitetsbibliotekets arbeid med å utvikle digitale tenester for interne og eksterne prosjekt, UiBs forskarmiljø, og også å vere med å utforme tiltak og rammeverk for open vitskap, særleg innan opne forskingsdata.  Eit grunnleggjande prinsipp for gruppas arbeid er å være brukarnær i si tilnærming. Difor har gruppa ein tverrfagleg kompetanseprofil der medarbeidarane har eit nært samarbeid med andre einingar og miljø på UiB, til dømes dei norske ordbøkene, it-avdelinga ved UiB, Fagspråksenteret og andre senter, samt i prosjekt og nettverk både nasjonalt og internasjonalt.  Gruppeleiaren for digitale infrastrukturar og forskingsdata rapporterer til seksjonsleiaren og inngår i seksjonsleiaren si leiargruppe, samt bibliotekdirektøren si utvida leiargruppe. Gruppeleiar bidreg dermed i begge leiargrupper ved Universitetsbiblioteket og tek eit aktivt ansvar både for seksjonen si samla oppgåveportefølje og Universitetsbibliotekets strategiske målsettingar. Ansvars- og arbeidsområde:Som gruppeleiar vil du ha eit heilskapleg ansvar for å leie og utvikle arbeidet i gruppa. Stillinga inneber både fagleg leiing, personalleiing, tett samarbeid med seksjonsleiaren og resten av Universitetsbibliotekets leiing, samt andre fagmiljø.  Personalansvar  dagleg arbeidsleiing av medarbeidarane i gruppa delegerte personaloppgåver (bl.a. medarbeidarsamtalar og oppfølging av fråvær) bidra i rekruttering og mottak av nytilsette leggje til rette for kompetanseutvikling Fagleg leiing sikre kvalitet, framdrift og måloppnåing innan ansvarsområda til gruppa planleggje og koordinere arbeidsoppgåver, arbeidsflyt og samarbeid for gruppa slik at seksjonen kan levere i tråd med fastsette prioriteringar være med å utvikle tenester i tett samarbeid med UiBs forskarmiljø bidra til effektiv ressursutnytting utvikle samarbeid internt på UB og UiB, samt i nasjonale og internasjonale fora og nettverk leggje til rette for tverrgåande prosessar i organisasjonen bidra til god intern og ekstern kommunikasjon Kvalifikasjonar og eigenskapar:Søkjar må ha høgare utdanning på minst masternivå. I særskilte tilfelle kan relevant realkompetanse kombinert med relevant etter- og vidareutdanning kompensere for utdanningskravet erfaring frå digital utvikling, forskingsdata eller arbeid med digitale infrastrukturar for forsking eller frå arkiv-, bibliotek- og museumssektoren gode leiareigenskapar og leiarerfaring med dokumenterbare resultat god munnleg og skriftleg framstillingsevne på norsk/nordisk og engelsk   Det er eit føremon om søkjar har kjennskap til UH-sektoren  erfaring med prosjektleiing eller liknande  kunnskap om FAIR-prinsippa for forskingsdata og personvern  kunnskap om datatryggleik, systemarkitektur og kunstig intelligens   Vi søkjer ein leiar som blir inspirert av å jobbe i tverrfaglege miljø er strukturert og har god gjennomføringsevne har evne til å motivere og utvikle medarbeidarar har gode samarbeidsevner  arbeider sjølvstendig og strategisk er oppteken av brukarperspektivet i tenesteutvikling Ved vurdering av søkjaren vil det bli lagt stor vekt på dei personlege eigenskapane som er naudsynte for stillinga. Vi tilbyr:UB kan tilby eit godt arbeidsmiljø med kunnskapsrike medarbeidarar eit fagleg sterkt og utviklingsorientert arbeidsmiljø spennande oppgåver knytt til forvalting og formidling av unike samlingar gode moglegheiter for fagleg og personleg utvikling løn som seniorrådgjevar (kode 1364) i årsløn kr. 770 000 – kr. 820 000 i det statlege lønsregulativet, avhengig av kvalifikasjonar. For særleg kvalifiserte søkjarar kan høgare løn vurderast. medlemskap i Statens pensjonskasse fleksible arbeidsordningar og gode velferdsordningar Generell informasjon:Utfyllande opplysningar om stillinga kan ein få ved å vende seg til seksjonsleiar Paul Simon Svanberg, telefon +47 55 58 25 07, e-post: paul.simon.svanberg@UiB.no eller bibliotekdirektør Maria-Carme Torras, telefon + 47 55 58 25 01, e-post: maria.carme.torras@UiB.no. Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder. Universitetet i Bergen arbeider målbevisst for økt likestilling og vektlegg kjønnsbalanse og mangfald i leiargruppene. Kunnskap om og resultat frå aktivt likestillings- og mangfaldsarbeid tilleggas vekt ved rekruttering av leiarar. Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette. Vi oppmodar søkjarar med funksjonsnedsetjing, innvandrarbakgrunn eller hól i CV-en til å søke. Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju. Nærare om tilsettingsprosessen her.