Vi søker tre juristar til pengespelavdelinga

Har du lyst til å bruke jussen til å bidra til at færrast mogleg får speleproblem? Hos oss får du jobbe med landets fremste ekspertar på pengespelområdet, og du får ei sentral rolle i tilsynsarbeidet vårt. No ser vi nemleg etter tre juristar til pengespelavdelinga i Lotteritilsynet. Kven er vi? Lotteritilsynet jobbar for at færre skal oppleve speleproblem, og for å sikre trygge og ansvarlege pengespel. I Noreg er Norsk Tipping og Norsk Rikstoto dei største lovlege aktørane, men det finst også private aktørar som har løyve til å tilby og marknadsføre pengespel. Vi jobbar også med å avdekke og reagere mot ulovlege pengespel og ulovleg marknadsføring av pengespel. I tillegg fører vi tilsyn med etterleving av kvitvaskingsregelverket innan pengespel.  Her får du varierte arbeidsoppgåver og dyktige kollegaer med kompetanse innanfor juss, økonomi og samfunnsvitskap. Kva skal du jobbe med?Vi har tre ledige juriststillingar, og oppgåvene vil vere knytte til ulike delar av avdelinga vår.   Nokre av dei vi tilset, vil arbeide med å stoppe ulovlege pengespel. Her vil du blant anna jobbe med DNS-blokkering av ulovlege nettsider, følge opp betalingsformidlingsforbodet og oppfølging av ulovleg marknadsføring.  Andre vil arbeide med tilsyn og kontroll med Norsk Tipping og Norsk Rikstoto, og med dei andre lovlege aktørane i Noreg. Her fører vi tilsyn med etterlevinga av regelverket for pengespel og kvitvasking. Du vil mellom anna gjennomføre dokumenttilsyn, stadlege tilsyn og gi rettleiing til aktørane i sektoren. Vi tilpassar oppgåver og ansvar etter erfaringa di. I utgangspunktet ser vi for oss å tilsette ein rådgivar og to seniorrådgivarar. Kven ser vi etter?For å søke på stillingane må du ha master i rettsvitskap. Vi ser etter deg som jobbar strukturert, sjølvstendig og godt saman med andre. Det er ein fordel med erfaring innan tilsyn eller offentleg forvaltning.   Du må rekne med å reise noko i jobben.   Kvifor velje oss?Høyrest det givande ut å jobbe med våre viktige samfunnsoppdrag? Då trur vi du vil trivast hos oss. Her får du jobbe tverrfagleg med dyktige folk rundt deg, og store moglegheiter til å planlegge eigen arbeidsdag.  Hos oss får du rammer som legg til rette for ein god balanse mellom jobb og fritid. Vi har fleksitid og betalt overtid, sommartid, og moglegheit til å trene i arbeidstida i inntil to timar i veka. Kontoret vårt ligg midt i Førde sentrum. Her har vi kantineordning, treningsrom i bygget og gruppetimar for dei tilsette på treningssenter.  Vi veit at mange ønsker seg ein fleksibel arbeidskvardag med moglegheiter for å veksle mellom å jobbe heimanfrå og å møtast på kontoret. Det legg vi sjølvsagt til rette for. Når du er på kontoret, kan du få med deg den daglege quizzen i kaffibaren. Og så har Velferdskomiteen (ja, vi har ein eigen komité 😊) frie tøylar til kreative påfunn – på jobb eller etter arbeidstid. Verd å merke seg  Du blir tilsett som rådgivar/seniorrådgivar, med ei årslønn som rådgivar med spenn frå kr 530 000 til kr 800 000 og seniorrådgivar med spenn frå kr 650 000 til kr 950 000  avhengig av kvalifikasjonane dine. Dei første seks månadane er prøvetid. Som tilsett får du medlemskap i Statens pensjonskasse. Det blir trekt 2 prosent av lønna di til innskot i Statens pensjonskasse. Som medlem her får du ei av Noregs beste pensjonsordningar og moglegheit til å søke om bustadlån med gunstige vilkår. Les meir på spk.no.  Vi meiner at mangfald er viktig for å bygge eit godt og utviklande arbeidsmiljø. Vi ønsker tilsette med ulike kompetansar, fagkombinasjonar, livserfaringar og perspektiv. Det bidreg til at vi løyser oppgåvene våre endå betre. Vi legg til rette for tilsette som har behov for det.  Har du hol i CV-en din, funksjonsnedsetting eller innvandrarbakgrunn, vil vi oppfordre deg til å krysse av for dette når du søker på stillinga. Det gir deg moglegheit for å få positiv særbehandling. Vi kallar alltid inn minst éin kvalifisert kandidat frå kvar av desse gruppene til intervju.  Når du søker jobb hos oss, vil namnet ditt stå på ei offentleg søkarliste. Det er mogleg å be om å bli unntatt denne søkarlista. Då må du i så fall grunngi kvifor du ønsker det, og så vil vi vurdere om vi kan innvilge ønsket. Kan vi ikkje det, høyrer du sjølvsagt frå oss. Vi ber om at vitnemål og attestar blir lasta opp saman med søknaden. KontaktinformasjonTore Bell, avdelingsdirektør pengespel, +47 992 84 339, tore.bell@lottstift.no ArbeidsstadStorehagen 1B 6800 Førde Nøkkelinformasjon:Arbeidsgivar: Lotteri- og stiftelsestilsynet Referansenr.: 5154515775 Stillingsprosent: 100% Fast Søknadsfrist: 11.10.2026