Administrasjonsleiar

Eininga er i stadig endring – og no har me høve til å styrkje laget vårt med ei ny stilling som administrasjonsleiar i 100% fast stilling på dagtid. Me søkjer deg som likar varierte arbeidsdagar, trivst med ansvar og ønskjer å bidra til god drift i omsorgstenestene våre. Stillinga vert forma og utvikla vidare saman med deg og resten av laget. Ei viktig rolle i kvardagenSom administrasjonsleiar får du ei sentral rolle i å sikre god flyt, oversikt og heilskapleg drift ved både Vindafjordtunet og Ølen omsorgssenter. Du samarbeider tett med einingsleiar, avdelingsleiarar, tilsette og konsulentar på tvers av avdelingane, og har ansvar for å koordinere og leie det merkantile arbeidet. Du vert næraste leiar for konsulentane på begge omsorgssentra, og deltek i leiargruppa. Stillinga omfattar mellom anna dagleg innleige, turnusarbeid, rekruttering og bemanning i samarbeid med avdelingsleiarane. Du vil òg arbeide med vederlagsberekning, kommunal fakturering og fakturabehandling. Du får god opplæring og støtte frå erfarne kollegaer. Om arbeidsplassenVindafjordtunet omfattar demensomsorg, somatisk langtidsavdeling og natt-teneste. Verksemda har om lag 70 tilsette og fleire dyktige tilkallingsvikarar. Drifta er organisert med tre avdelingsleiarar og to konsulentar i deltidsstillingar. Den eine konsulenten er tilsett i 50 % stilling, medan den andre har ei 60 % stilling. Ølen omsorgssenter omfattar somatisk langtidsavdeling, korttid og rehabilitering, natt-teneste og kjøkken. Drifta er organisert med tre avdelingsleiarar og ein konsulent i 40 % stilling. Denne konsulenten er den same som har 60 % stilling ved Vindafjordtunet. Aktuelle arbeidsoppgåverPersonalansvar for konsulentane på begge institusjonane. Ressursstyring og koordinering av bemanning. Innleige ved fråvær, i samarbeid med leiarar og kollegaer. Turnusarbeid og avviksføring knytt til lønn. Innkjøp og fakturabehandling. Skrive arbeidsavtalar til tilkallingsvikarar og kortvarige vikariat. Personalmeldingar ved oppstart og avslutting av arbeidsforhold. Rekruttering og bemanning. Vederlagsberekning, etterberekning og kommunal fakturering. Kven ser me etter?Me ser etter deg som har: bachelor i økonomi og administrasjon eller annan relevant utdanning på bachelornivå. erfaring innan leiing og/eller helse og omsorg er ein fordel. gode digitale ferdigheiter. gode munnlege og skriftlege norskkunnskapar – kommunen nyttar nynorsk som skriftspråk. førarkort kl. B. Me tenker også at du er: ein person som liker å ha mange oppgåver på gang. strukturert, tek initiativ og finn gode løysingar saman med andre. sjølvstendig, samarbeidsvillig og fleksibel. allsidig og lærevillig. Personlege eigenskapar vil bli vektlagt. Hos oss får duEin variert arbeidskvardag i eit positivt og inkluderande arbeidsmiljø. Du får faglege utfordringar, høve til utvikling og god opplæring i samarbeid med dyktige kollegaer. I tillegg tilbyr me: gode forsikrings- og pensjonsordningar rabatt på Frisk treningssenter bedriftskunstlag kommunalt kor, KORe’ Vindafjord lønn etter gjeldande tariff og avtaleverk Andre opplysningar: Ved arbeid i barnehage, skule, barnevern, helse og omsorg, skal det leggast fram godkjent politiattest. Ved arbeid i barnehage, skule eller helse og omsorg skal det leggast fram godkjend dokumentasjon på tuberkulinkontroll før oppstart i jobb dersom du har budd eller opphalde deg i land med høg tuberkuloseførekomst i meir enn tre månadar. Personell i helse og omsorg legga fram helseopplysningsskjema i høve til MRSA. Slik søker du:  Vindafjord kommune tek berre i mot elektroniske søknadar via søknadssenteret vårt. Du kan lasta opp vitnemål og attestar som vedlegg. Om du ikkje har dei elektronisk, eller i rett format, må dei takast med til intervju. Ta kontakt med servicetorget på telefon 53 65 65 65 dersom du treng hjelp til å søka. Du kan koma med på offentleg søkarliste sjølv om du har bedt om unntak. Me tek kontakt før ei eventuell offentleggjering. Link til søknadsskjema: Søk her