Samfunnsøkonom/samfunnsvitar 

Om stillingaØnsker du deg interessante og utfordrande oppgåver innanfor eit fagområde med stor politisk merksemd? Vi har ledig to faste stillingar som førstekonsulent eller rådgivar i seksjon for sjukepengar og inkluderande arbeidsliv. Velferdspolitisk avdeling har oppgåver knytte til inntektssikring, levekår og oppfølging av dei som har falle utanfor arbeidslivet på grunn av helsemessige eller sosiale utfordringar. Seksjonen har ansvar for sjukepengar, pleie-, opplærings- og omsorgspengar, samt oppfølging av IA-avtalen. ArbeidsområdeHar du lyst til å bruke fagbakgrunnen din til å bidra i budsjettarbeidet og den økonomiske oppfølginga av sentrale velferdsordningar? Som vår nye medarbeidar får du moglegheit til å bidra i eit samfunnsviktig arbeid med stor politisk merksemd. Du vil ha ei sentral rolle i å koordinere Velferdspolitisk avdeling sitt arbeid med statsbudsjettet og intern økonomistyring, på tvers av avdelinga sine ansvarsområde. I tillegg vil du bidra i oppfølginga av IA-samarbeidet og av pleiepengar, opplæringspengar og omsorgspengar, med vekt på dei økonomiske sidene ved ordningane. Arbeidet omfattar mellom anna å koordinere avdelinga sitt arbeid med statsbudsjettet og intern økonomistyring, i tett dialog med Arbeids- og velferdsdirektoratet og avdelinga sine seksjonar følge opp og vidareutvikle ordningane med pleiepengar, opplæringspengar og omsorgspengar, med vekt på økonomiske analysar og verknader bidra i oppfølginga av IA-samarbeidet gi faglege råd og innspel i politiske, økonomiske og administrative prosessar bidra i budsjettinnspel og økonomiske analysar knytte til avdelinga sitt ansvarsområde Ved to tilsettingar vil de fordele ansvarsområda mellom dykk, i dialog med seksjonsleiar. Andre arbeidsoppgåver innanfor avdelinga sitt ansvarsområde vil òg bli aktuelt, avhengig av avdelinga sine behov og dine personlege ønsker og kvalifikasjonar. Kva slags bakgrunn har du?Du har relevant høgare utdanning på masternivå med gode resultat, til dømes innan samfunnsøkonomi, statsvitskap eller anna samfunnsvitskapleg utdanning god skriftleg og munnleg framstillingsevne Det er i tillegg ein fordel om du har kjennskap til offentleg forvaltning og politikkutforming erfaring med budsjettarbeid eller samfunnsøkonomiske analysar, gjerne frå statleg verksemd kjennskap til velferdspolitikk og/eller trygdeytingar interesse for digitalisering og bruk av KI i analyse- og utgreiingsarbeid For å bli tilsett som rådgivar må du ha relevant arbeidserfaring. Er du nyutdanna, er du velkomen til å søke stillinga som førstekonsulent. Kven ser vi etter?Vi ser etter deg som er analytisk og nøyaktig, og komfortabel med å jobbe med tal og statistikk har evne til å ta initiativ og arbeide sjølvstendig, strukturert og planmessig er samarbeidsorientert og god til å kommunisere med kollegaer kan tenke kritisk og kreativt og argumentere godt for faglege vurderingar evner å handtere korte fristar Som medarbeidere i departementet er vi fagleg engasjerte, tar ansvar, er gode lagspelare og utvikler og forbetrer. Kva får du hos oss?Du blir ein del av eit sterkt fagmiljø med økonomer og jurister. Du får engasjerte og hyggelege kollegaer som legg vekt på å gje ansvar og tillit, men òg rettleiing i eit godt arbeidsfellesskap. Du vil få nærleik til politiske avgjerder. Om du blir tilsett som førstekonsulent eller rådgivar, avheng av kvalifikasjonane og erfaringa di. Lønn vil ligge mellom 600 000 og 750 000 kroner avhengig av kvalifikasjonane dine. Er du særleg godt kvalifisert til stillinga, kan vi vurdere høgare lønn. Som tilsett i staten får du mellom anna fleksitid, sommar- og vintertid og pensjons- og forsikringsordning gjennom Statens pensjonskasse, som òg har eit av dei rimelegaste bustadlåna i marknaden. Du får også høve til å trene i arbeidstida. Les dette før du søkerInkludering og mangfald er ein styrke som gjer at vi kan løyse oppgåvene våre enda betre. Derfor ønsker vi oss medarbeidarar med ulike kompetansar, fagkombinasjonar, livserfaringar og perspektiv. Har du nedsett funksjonsevne, hol i CV-en eller innvandrarbakgrunn, oppfordrar vi deg som søkar til å krysse av i jobbsøkarportalen. Er det kvalifiserte søkarar, kallar vi inn minst éin søkar i kvar gruppe til intervju, og får du jobben, legg vi til rette for deg om du treng det. Utanom å velje ut riktige kandidatar brukar vi ikkje avkryssingane til noko anna enn anonymisert statistikk. Du kan be om å bli unnateken frå den offentlege søkarlista. Dette må i så fall grunngjevast. Vi kontaktar deg dersom ønsket ditt ikkje blir tatt til følge. Arbeidsspråket er norsk. Andre vilkår Alle søkarar må laste opp vitnemål og attestar. Vi ber om at du bruker vitnemålsportalen til å laste opp vitnemål. For å bli tilsett må du kunne bli autorisert for behandling av informasjon gradert AVGRENSA etter tryggingslova. Vi bruker Semac bakgrunnssjekk i utvalde rekrutteringsprosessar.