Postdoktor knytt til forskingsgruppa Persontilpassa helsetenester

Ved Høgskulen på Vestlandet (HVL) er det ledig stilling i 100% som postdoktor innan prosjektet PERSONFORSK ved  Fakultet for helse- og sosialvitskap – campus Haugesund, Stord, Bergen eller FørdeVed Høgskulen på Vestlandet (HVL), Fakultet for helse- og sosialvitskap, er det ledig ei 100% postdoktorstilling over tre år. Stillinga skal vere tematisk eller metodisk knytt til prosjektporteføljen til Persontilpassa helsetenester (PERSONFORSK).  I denne portefølja inngår mellom anna NFR-prosjektet «Norse Impact – Samanhengande digitale tenester i psykisk helsefeltet», Norse Feedback aksjonsforskingsprogram og EU Horizon prosjektet ”Together for Mental Health: A scalable, participatory and evidence-based mental health toolbox for Europe” (Together4MH).  Postdoktorstillinga er finansiert av Høgskulen på Vestlandet.  Den utlyste postdoktorstillinga er ei rekrutteringsstilling som skal gjennomføre eit sjølvstendig forskingsprosjekt med tematisk eller metodisk tilknyting til eksisterande prosjekt i gruppa. Målet er at den som tilsettast vidareutviklar lokalt forskingsmiljø og kompetanse innanfor gruppa sine kjerneområde, som grunnlag for ei sjølvstendig forskarkarriere.  Postdoktorstillinga er ei kvalifiseringsstilling med mål om å styrke kandidatens faglege profil og legge til rette for vidare karriere mot vitskapleg toppstilling. Stillinga skal fremme fagutvikling, innovasjon og miljøbygging innan psykisk helse i forskingsgruppe for persontilpassa helsetenester (PERSONFORSK) og bidra til eit aktivt forskingsmiljø ved HVL. Stillinga har ei varigheit på tre år og inkluderer 25% anna karrierefremmande arbeid. Den som vert tilsett har arbeidsplass ved Institutt for helse- og omsorgsvitskap, enten ved campus Førde, Haugesund, Stord eller Bergen i tilsettingsperioden.  Postdoktoren vil inngå i forskargruppa PERSONFORSK. PERSONFORSK er eit tverrfagleg forskingsmiljø med forankring i Høgskulen på Vestlandet og Helse Førde, og har som mål å utvikle, undersøke og implementere kunnskapsbaserte og persontilpassa helsetenester. Forskargruppa har særleg kompetanse innan deltakande forskingsmetodar, digital helse, psykisk helse, brukarmedverknad og implementering i praksisnære kontekstar. Det aktuelle prosjektet er tett knytt til forskargruppa sin faglege profil og pågåande portefølje av nasjonale og internasjonale prosjekt. PERSONFORSK er ei svært aktiv og produktiv forskargruppe med eit stort ph.d.-stipendiatmiljø og fleire postdoktorar. Persontilpassa helsetenester (PERSONFORSK) - Høgskulen på Vestlandet  Vi ser etter ein talentfull forskar som er i starten av karrieren, med ambisjonar om å bygge og leie forskingsprosjekt og søke ekstern finansiering. Vi ønskjer å tilsette ein person som er kompetent og motivert for å utvikle ein sjølvstendig forskingsportefølje.   Ansvars- og arbeidsområde:Kandidaten skal gjennomføre eit forskingsprosjekt som er tematisk eller metodisk knytt til eksisterande prosjekt, og dra nytte av det internasjonale forskingsmiljøet, metodane, samarbeidsstrukturane og kunnskapsutviklinga i gruppa. Postdoktoren vil ha stor fridom til å utvikle og gjennomføre eit sjølvstendig forskingsprosjekt innanfor dei overordna faglege rammene.  Om eksisterande prosjekt i PERSONFORSK  Together4MH er eit Horizon Europe-prosjekt som skal utvikle, tilpasse og skalere forskingsbaserte tilnærmingar for å styrke psykisk helse og førebygging i utdanning og arbeidsliv, med vekt på deltaking, persontilpassing og implementering i ulike europeiske kontekstar. Norse Impact er eit NFR-finansiert forskingsprosjekt som undersøker korleis digitale, persontilpassa tenester kan inngå i samanhengande tenesteforløp i psykisk helsevern. Norse Feedback-  porteføljen omfattar ei rekke forskings- og utviklingsprosjekt knytt til utvikling, evaluering og implementering av Norse Feedback som eit digitalt system for persontilpassa tilbakemelding og klinisk støtte i psykiske helsetenester.  Arbeidsoppgåver   • Utvikle og gjennomføre eige forskingsprosjekt i tilknyting til prosjektporteføljen i PERSONFORSK  • Initiere og publisere minst 3 vitskaplege publikasjonar i internasjonale fagfellevurderte tidsskrift  • Formidling og nettverksarbeid  • Bidra i søknadsarbeid på eksterne forskingsmidlar  • Undervise og rettleie Karriereplan  Den som blir tilsett skal i fellesskap med instituttet utarbeide ein karriereplan som spesifiserer den kompetansen kandidaten skal opparbeide seg. HVL tilbyr norskkurs for internasjonalt tilsette som har behov for å lære norsk eller forbetre norskkunnskapane. Kursa kan vere både fysiske og nettbaserte, og HVL dekker kostnadene for kursavgift, bøker og eksamensavgift. Det er krav om nivå B2 for vitskapeleg tilsette og nivå A2 for rekrutteringsstillingar. Du kan lese meir om tilbodet her: Norsk for fremmedspråklige. Kvalifikasjonskrav:Kriterier for tilsetting i stilling som postdoktor går fram av Forskrift til universitets- og høgskoleloven (Universitets- og høyskoleforskriften)   Oppnådd norsk ph.d.-grad eller tilsvarande utdanning, eller ha levert doktoravhandlinga innan søknadsfristen. Søkjar kan ha bakgrunn innan helse/sosialvitskaplege, samfunnsvitskaplege eller utdanningsvitskaplege fag. Det er ein føremonn for oppstart i postdoktorstillinga at doktorgraden er oppnådd.  Faglege kvalifikasjonar innan psykisk helse og psykisk uhelse Erfaring med prosjektarbeid og formidlingsaktivitetar Interesse og motivasjon for det utlyste området Evne til nytenking, fagleg utvikling og gjennomføringsevne, evne til å ta initiativ, handtere komplekse  problemstillingar og drive forskingsarbeid framover over tid  Den som blir tilsett må kunne arbeide sjølvstendig, strukturert og målretta, og samtidig ha gode samarbeidsevner og evne og moglegheit til å bidra aktivt til fellesskapet i fagmiljøet generelt og i forskingsgruppa spesielt  Dokumenterte svært gode ferdigheiter i engelsk, både skriftleg og muntleg og grunnleggande ferdigheiter i norsk (eller et skandinavisk språk) (A2)  Å vere personleg eigna, herunder motivasjon, samarbeidsevner, sjølvstende og gjennomføringsevne, vil bli tillagt vekt i den samla vurderinga  Det kan ikkje ha gått meir enn 6 år sidan disputas. Undervisningsspråket ved HVL er norsk. Det er ønskjeleg med snarleg oppstart i stillinga.  Korleis søke på stillinga Send søknad og CV ved å klikke på knappen merka ”Søk stillinga” på denne sida. Følgande må lastas opp:  • Eit søknadsbrev der søkjar kort gjer greie for motivasjon for å søke stillinga, og korleis søkjars utdanning, forskingsinteresser og erfaring er relevant for stillinga.  • Eit refleksjonsnotat og mogleg prosjektfokus på fem sider inkl. referansar som tek utgangspunkt i søkjars metodiske og faglege kompetanse og viser korleis søkjar tenkjer seg eit prosjekt knytt til PERSONFORSK sin portefølje (Linjeavstand 1,5, skriftstorleik 12). Notatet skal tematisk vere relatert til Together4MH. Notatet/skissa vil inngå i vurderinga av kandidatens kvalifikasjonar • Fullstendig CV med utdanning, arbeids- og undervisningserfaring og oversikt over vitskaplege publikasjonar og anna relevant FoU-aktivitet • Karakterutskrifter og vitnemål  • Dokumentasjon på fullført doktorgrad. Dersom du ikkje har disputert, skal du legge ved stadfesting frå institusjonen om forventa dato for oppnådd doktorgrad  • Doktorgradsavhandlinga • Inntil fem andre vitskapelege arbeid  • Eventuell annan aktivitet som ein ønskjer skal bli vurdert.  Vi gjer merksam på at søknaden blir vurdert ut frå den informasjonen som ved søknadsfristen er lagt inn i www.jobbnorge.no. Det er søkjar sitt ansvar å sørge for at alle relevante vedlegg er lagt inn innan fristen.  Dersom vitnemåla, karakterutskrifter eller anna dokumentasjon ikkje er på eit skandinavisk språk eller engelsk, må søkjar sjølv laste opp attesterte omsettingar. Hvis vedlegga overskrider 25 MB må dei komprimerast før opplasting eller leggast ved som lenke. Søkjarar med utanlandsk utdanning må i tillegg dokumentere at utdanninga samsvarar med norsk bachelor-, master-eller ph.d.-grad.  Sjå www.hkdir.no for meir informasjon om vurdering av høgare utdanning.  HK-dir tilbyr automatisk godkjenning for enkelte gradar frå utvalde land. Dersom utdanninga til søkjaren er dekka av ordninga med automatisk godkjenning, vil det vere tilstrekkeleg å legge ved dokumentasjon på dette. Du kan lese meir om ordninga med automatisk godkjenning her. Vi gjer merksam på at søknad om vurdering gjennom den ordinære godkjenningsordninga til HK-dir kan ta tid. Du bør difor sende søknad om godkjenning så raskt som mogleg når du veit at du vil søkje på stillinga.  Dersom du ikkje har fått svar frå HK-dir innan søknadsfristen, legg du ved dokumentasjon frå HK-dir om at dei har motteke søknaden din.  Søkjarar til vitskaplege stillingar blir vurdert av ein sakkunnig komité. Bedømmelsen skjer på bakgrunn av dokumentert kompetanse. På bakgrunn av komiteens innstilling vil aktuelle søkjarar bli kalla inn til intervju og prøveforelesing. Tilsettingsorgan er tilsettingsutvalget ved Høgskulen på Vestlandet. Søknadene blir sendt elektronisk til det sakkunnige utvalet. Søknader kan ikkje sendast på e-post til enkeltpersonar ved høgskulen. Vi tilbyr:Gode pensjons-, forsikrings-, og låneordningar i Statens pensjonskasse Spennande fagmiljø med høve til kompetanseheving – og utvikling Moglegheiter for trening i arbeidstida Stillinga som postdoktor vert løna i stillingskode 1352 - postdoktor.  Frå løna blir det trekt 2 % innskot til Statens pensjonskasse. Den som blir tilsett, må rette seg etter dei retningslinjer som til ei kvar tid gjeld for stillinga. Generell informasjon:Vi gjer merksam på at i tråd med offentleglova, kan opplysningar om søkjaren bli gjort offentleg, sjølv om søkjaren har bedt om å ikkje bli ført opp på søkjarlista. Søkjar blir varsla dersom førespurnad om unntak for offentleggjering ikkje vert teken til følge.  Den statlege arbeidsstyrken skal i størst mogleg grad spegle mangfaldet i befolkninga. Det er av den grunn eit personalpolitisk mål å oppnå ei balansert alders- og kjønnssamansetting, og å rekruttere personar med minoritetsbakgrunn, nedsett funksjonsevne og hol i CV. Høgskulen på Vestlandet er underlagt forskrift for eksportkontrollsystem. Forskrifta kan komme til bruk i handsaming av søknadane.