Jurist (Førstekonsulent/rådgiver)

Kven er vi i Fjellseksjonen og Vatnseksjonen?Klima- og miljødepartementet har ledig to faste stillingar som førstekonsulent/rådgjevar (jurist) i Naturforvaltningsavdelinga, der ei er i Fjellseksjonen og ei er i Vatnseksjonen. Som jurist i Naturforvaltingsavdelinga får du arbeide i skjeringspunktet mellom fag, forvalting og politikk. Fjellseksjonen har ansvar for sentrale område innan naturforvaltinga, mellom anna rovvilt, villrein, motorferdsel i utmark, friluftsliv og tilskotsforvalting. Vatnseksjonen arbeider for å ta vare på naturmangfaldet i ferskvatn og har mellom anna ansvaret for vassforvalting, villaks, heilskapleg plan for Oslofjorden og naturrestaurering. Naturmangfaldlova, lakse- og innlandsfiskelova, EU sitt vassdirektiv, vassforskrifta og forskrifta om framande artar er viktige regelverk på feltet.  I begge seksjonane engasjerer sakene våre ofte både lokalbefolkninga, interessegrupper, media og politikarar, og fleire av dei står høgt på den politiske dagsordenen. Arbeidet omfattar òg utarbeiding av notat, talepunkt og anna fagleg grunnlag for politisk leiing.  Hos oss får du arbeide med komplekse problemstillingar der ulike interesser og samfunnsomsyn må vegast mot kvarandre. Du vil bli ein del av eit sterkt fagmiljø som bidreg med kunnskapsgrunnlag og råd i saker av stor verknad for natur, samfunn og politikkutforming.  Kva skal du arbeide med?Du vil arbeide med saksbehandling innanfor ansvarsområda til Fjellseksjonen/Vatnseksjonen, mellom anna klagesaksbehandling, juridiske vurderingar, regelverksarbeid og andre utviklingsoppgåver. Du vil samarbeide tett med dei andre saksbehandlarane i seksjonane, i tillegg til kollegaer i avdelinga og departementet. Du vil også samarbeide med andre departement og Miljødirektoratet.  Arbeidsmengda og fristane for oppgåveløysing blir ofte påverka av politisk merksemd. Det krev at du er fleksibel og rask til å tilpasse deg nye situasjonar. Vi søkjer deg som har følgjande bakgrunnFor å vere kvalifisert til stillinga må du ha: mastergrad i rettsvitskap eller juridisk embetseksamen, og kunne vise til svært gode karakterar. Nyutdanna kan søkje, men vitnemål må liggje føre før tilsetjingsvedtak blir fatta.  svært god skriftleg og munnleg framstillingsevne på norsk, samt gode engelskkunnskapar   Det er ønskeleg at du har: god forståing for samanhengar mellom eige arbeidsfelt og tilgrensande fagområde i eige departement og samfunnet elles.   Stillinga krev at du kan bli autorisert etter sikkerheitslova på nivå BEGRENSET. Sjå nsm.no. For å lukkast i stillinga må duha gode analytiske evner, kunne setje deg raskt inn i nye problemstillingar og arbeide strukturert. kunne arbeide sjølvstendig, ta eigne avgjerder og vere fagleg trygg. ha gode samarbeidsevner og finne gode løysingar saman med andre når ulike interesser står mot kvarandre.   trivast med ein variert og hektisk arbeidskvardag, vere fleksibel og levere under tidspress kommunisere faglege bodskap på ein effektiv og forståeleg måte   Personleg eignaheit vil bli tillagd vekt. Kvifor skal du jobbe hos oss?Vi ønskjer deg velkomen inn i eit arbeidsfellesskap med dyktige og engasjerte kollegaer som er stolte av jobben sin. Du vil få brei erfaring med juridiske problemstillingar, forvaltningsrett, regelverksutvikling og politiske prosessar, og arbeide tett saman med erfarne kollegaer med høg fagleg kompetanse. Du vil bidra til samfunnsmålet om det grøne skiftet og få eit unikt høve til å gi faglege råd til politisk leiing.  Klima- og miljødepartementet gir gode moglegheiter for fagleg utvikling, og vi er opptekne av at alle skal ha eit godt arbeidsmiljø. Vi har fleksibel arbeidstid, betalt overtid og ei god pensjonsordning. Vi tilbyr eit breitt spekter av sosiale, kulturelle og sportslege aktivitetar, mellom anna 1,5 time trening i arbeidstida kvar veke.  Klima- og miljødepartementet har nyleg flytta inn i det nye regjeringskvartalet, med aktivitetsbasert kontorplasskonsept i den nye, moderne A-blokka. Lønn:Årslønn for førstekonsulent: kr 580 000,- - 660 000,- Årslønn for rådgjevar: kr 650 000,- - 770 000,-   Avhengig av kvalifikasjonane dine og kor mange år du har med relevant arbeidserfaring, vil du bli innplassert som førstekonsulent eller rådgjevar i tråd med departementet sin personal- og lønnspolitikk. Som hovudregel krevst det minimum to års relevant erfaring for å bli rådgjevar. Frå løna blir det trekt 2 % innskot til Statens pensjonskasse. Som tilsett hos oss blir du medlem i Statens pensjonskasse (SPK), noko som gir deg ei rekkje fordelar. Medlemskap i SPK sikrar deg ei god pensjonsordning og gunstig opptening som gir økonomisk tryggleik både under og etter arbeidslivet. SPK tilbyr også gode forsikringsordningar for deg og dine næraste, i tillegg til gunstige låneordningar.  Vi er opptekne av:Vi ønskjer å rekruttere den best kvalifiserte kandidaten til stillinga og treng derfor eit breitt rekrutteringsgrunnlag. I Klima- og miljødepartementet har vi eit personalpolitisk mål om å vere ein arbeidsgjevar som speglar mangfaldet i samfunnet, og som tek i bruk potensialet i den samla kompetansen i befolkninga. Vi arbeider for å inkludere personar med nedsett funksjonsevne og/eller som av ulike årsaker ikkje kan dokumentere ein samanhengande yrkeskarriere. Vi har gode moglegheiter for tilrettelegging og fleksibel arbeidstid tilpassa ulike fasar i livet. Generell informasjon:Vi ber om at du lastar opp vitnemål/karakterutskrifter (som kan hentast direkte frå Vitnemålsportalen) og relevante attestar. Utanlandske vitnemål må vere godkjende. Sjå meir på hkdir.no. Vi tek vare på personopplysningane dine i samsvar med GDPR. Ver merksam på at opplysningar om deg kan bli offentleggjort sjølv om du har bede om å bli unnateken frå søkjarlista. Du blir i så fall orientert om dette på førehand. Kvalifiserte kandidatar med ulik arbeids- og livserfaring blir oppmoda til å søkje.   Kontaktpersonar: Dersom du har spørsmål om stillinga i Fjellseksjonen, er du velkomen til å ta kontakt med avdelingsdirektør Torbjørn Lange på telefon: 91715859 eller e-post: torbjorn.lange@kld.dep.no Dersom du har spørsmål om stillinga i Vatnseksjonen, er du velkomen til å ta kontakt med avdelingsdirektør Lindis Nerbø på telefon: 93281588 eller e-post: lindis.nerbo@kld.dep.no Dersom du har spørsmål om rekrutteringsprosessen, er du velkomen til å ta kontakt med senior rekrutteringsrådgjevar Vanessa Gilje Bergan på telefon: 99425275 eller e-post vanessa-gilje.bergan@dss.dep.no