ID 2480 Sakshandsamar byggesak og avløp, miljø og forureining - Eining for arealforvaltning

Eining for arealforvaltning har i dag 12 medarbeidarar som sakshandsamar og jobbar innan fagområda reguleringsplan, byggjesak/tilsyn, mindre avlaupsanlegg, oppmåling og geodata. Landbrukstenesta er og lagt til eininga. Me held til i rådhuset i Leirvik sentrum. Det er frå 01.11.2026 ledig fast 100% stilling som sakshandsamar innan byggjesak og avløp/miljø/forureining. Arbeids- og ansvarsområde: Sakshandsaming og forvaltning innan avløp, miljø og forureining inklusiv kontroll og tilsyn Sakshandsaming av byggje- og delesaker etter plan- og bygningslova, inklusiv klagesakshandsaming. Førebu saker til politiske utval Rettleia søkjarar og innbyggjarar I tillegg kan andre arbeidsoppgåver bli tilpassa etter kvalifikasjonar, interesser og avdelinga sitt behov Kvalifikasjonskrav: Bachelor innan relevante fag Relevant arbeidserfaring kan kompensera for manglande formell utdanning Kjennskap til plan- og bygningslova og tilhøyrande regelverk er ein fordel. Kjennskap til forvaltningslova er ein fordel Kjennskap til forureiningslova med vekt på avløpsdelen er ein fordel Førarkort klasse B God norsk skriftleg og munnleg framstillingsevne (nynorsk målform) Personlege eigenskapar som vert vektlagt: du er strukturert og gjennomføringsdyktig du er fleksibel, har gode samarbeids- og kommunikasjonsevner og likar å arbeida i eit tverrfagleg miljø du har interesse og engasjement innanfor fagfeltet du er god til å finna og tolka relevant regelverk du er positiv og har evne til å bidra til eit godt arbeidsmiljø Me kan tilby: Høve til personleg vekst og utvikling i arbeidet Eit godt, hektisk og tverrfagleg arbeidsmiljø med spennande utfordringa Medlemskap i Stord kommune ve og vel med bl.a. husvære i Røldal, hytte på Husøy inkl. båt, utleige av tilhengarar, m.m. Løn etter avtale Gode pensjons- og forsikringsordningar Offentleg tenestepensjon For nærare opplysningar om stillinga ta kontakt med einingsleiar Elisabeth Gjerde tlf. 469 64 985 Dersom søkjar ynskjer å verta unnateke frå offentleg søkjarliste, må det grunngjevast. Opplysningar om søkjaren kan bli offentleggjort, sjølv om søkjar har bedt om ikkje å verta oppført på søkjarlista. Søkjaren vert varsla dersom ynskje om reservasjon ikkje vert teke til fylgje.