Bu- og avlastingstenesta har ledig stilling som

Vil du gjere ein forskjell for barn og unge?Bu- og avlastingstenesta i Sunnfjord kommune søker nye medarbeidarar til fleire faste stillingar. Hos oss får du bruke fagkompetansen din til å skape trygge, gode og meiningsfulle dagar for barn og unge med funksjonsvariasjonar og samansette behov. Samstundes gir du viktig støtte til familiane deira gjennom avlasting, omsorg og oppfølging. Bu- og avlastingstenesta tilbyr døgnavlastning i avlastingsbustad og i enkelte private heimar. Vi er eit tverrfagleg arbeidsmiljø med vernepleiarar, sjukepleiarar, helsefagarbeidarar, sosionomar, barnevernpedagogar, lærarar, barnehagelærarar, barne- og ungdomsarbeidarar og assistentar. Vi samarbeider tett med føresette og andre faginstansar rundt barnet, mellom anna barnekoordinator, helsestasjon, PPT, habiliteringstenesta, psykologar, barnehagar, skular og sjukehus. Vi veit at gode tenester blir skapte gjennom godt samarbeid. Vi arbeider med barn og unge med ulike diagnosar, funksjonsnivå og hjelpebehov. Arbeidskvardagen er variert og inneber både direkte miljøarbeid, helsehjelp, aktivitetar og systematisk fagarbeid. Aktuelle arbeidsoppgåver er mellom anna:medisinsk oppfølging og observasjon tillaging og kontroll av medikament oppfølging av barn med samansette og komplekse helsebehov palliativ omsorg og symptomlindrande oppfølging miljøarbeid knytt til autismespekterforstyrringar og funksjonsnedsetjingar arbeid etter helse- og omsorgstenestelova kapittel 9 dokumentasjon og journalføring i CosDoc utarbeiding og evaluering av pleieplanar, tiltaksplanar og rutinar samarbeid med føresette og fagpersonar rundt barnet Jobben handlar likevel om meir enn prosedyrar og faglege vurderingar. Den handlar òg om å skape gode relasjonar, bidra til meistring, leik, utvikling og glede i kvardagen til det enkelte barnet. Vi har ledig følgjande stillingar:2 x 100 % faste stillingar som helsefagarbeidar på natt. Stillingane er for tida knytte til nattevakter Stillingane er kombinerte mellom arbeid i privat heim og avlastingsbustad. Vi søker deg som kan arbeide sjølvstendig, gjere gode observasjonar og handtere medisinske behov på ein trygg og fagleg forsvarleg måte. Barne- og ungdomsarbeidarar med relevant erfaring kan bli vurderte dersom det ikkje melder seg kvalifiserte søkarar.   100 % fast stilling som helsefagarbeidar i tredelt turnus Personar utan formell fagutdanning, men med lang og relevant erfaring, kan bli vurderte dersom det ikkje melder seg kvalifiserte søkarar, men vil då bli tilsett i mellombels stilling.   2 x 100 % faste stillingar som vernepleiar eller sjukepleiar i tredelt turnus Stillingane kombinerer for tida arbeid i heim, skule og avlastingsbustad. Vi søker deg som ønsker å bidra både i det daglege omsorgsarbeidet og i det systematiske fagarbeidet. Kvalifikasjonar:autorisasjon som helsefagarbeidar, sjukepleiar eller vernepleiar der dette er krav til stillinga erfaring med barn og unge med nedsett funksjonsevne gode norskkunnskapar, både munnleg og skriftleg evne til å arbeide sjølvstendig og i samarbeid med andre interesse for fagutvikling, dokumentasjon og systematisk oppfølging to referansar, der minimum éin er noverande leiar godkjent politiattest Vi ønsker at du:er trygg, ansvarsbevisst og fagleg engasjert bevarer roen og gjer gode vurderingar i krevjande situasjonar ser ressursar og moglegheiter hos det enkelte barnet er fleksibel og løysingsorientert bidreg aktivt til eit godt arbeidsmiljø samarbeider godt med føresette, kollegaer og andre fagpersonar Personlege eigenskapar vil bli vektlagde. Vi kan tilby:ein variert og meiningsfull arbeidskvardag arbeide tett på barn og unge og utgjere ein forskjell vere del av eit sterkt tverrfagleg fagmiljø gode moglegheiter for fagleg utvikling engasjerte kollegaer som støttar og lærer av kvarandre høve til å påverke utviklinga av tenesta Saman skapar vi gode dagar;Vårt viktigaste mål er at kvart barn skal oppleve tryggleik, meistring, utvikling og gode opplevingar. Samstundes skal familiane oppleve oss som ein kompetent, føreseieleg og tillitsskapande samarbeidspartnar. For å lukkast treng vi medarbeidarar som kombinerer fagleg tryggleik med varme, omsorg og engasjement. Vil du vere med på laget? Då ønsker vi å høyre frå deg. Du søker elektronisk. Link til søknadsskjema: Søk her