ID 2481 Kontaktperson vikariat - Sunnhordland interkommunale barnevern

Sunnhordland interkommunale barnevernteneste, Bømlo, Fitjar og Stord (SIB) er organisert med Stord som vertskommune og tenestestad. Tenesta har kontorstad på Leirvik, Stord. Stord kommune er formell tilsetjingsstad. Tenesta er eit interkommunalt samarbeid etter Kommunelova § 28b, Kommunane sitt totale innbyggjartal er omlag 34 000. Tenesta forvalter alle oppgåver og område innan Lov om barnevernteneste i våre tre kommunar. SIB er organisert med fire arbeidslag fordelt på to avdelingar. Avdeling undersøking og hjelpetiltak og avdeling omsorg og tiltakslaget. Me har no ledig vikariat i 100% stilling som kontaktperson (sakshandsamar). Oppstart etter avtale Arbeids- og ansvarsområde: Saksbehandling etter lov om barnevern. Representere kommunen i rettsinstansar. Tverrfagleg samarbeid, internt og eksternt. Det må påreknast noko reiseverksemd og ettermiddag-/ kveldsarbeid. Kvalifikasjonskrav: Barnevernspedagog eller sosionom. Erfaring frå barnevern eller tilsvarande arbeid. Søkjarar med anna relevant høgskule/universitetsutdanning med yrkeserfaring frå barnevern og /eller tilsvarande arbeid kan bli vurdert. Det er ynskjeleg at du har relevant vidareutdanning Sertifikat klasse B vert krevd. Politiattest: Det er krav om å leggje fram politiattest for alle som yter tenester etter Lov om barnevern § 12-11, jfr. Forskrift om politiattest til barnevernsloven § 1 Tilsetjinga føreset at arbeidstakaren legg fram gyldig politiattest innan tiltreding dersom dette er kravd for stillinga etter lov eller forskrift. Dersom politiattest ikkje blir lagd fram innan fristen, eller attesten viser forhold som etter gjeldande regelverk er til hinder for tilsetjing i stillinga, kan arbeidsgivar avgjere at arbeidstakaren ikkje kan tiltre stillinga. Me legg vekt på at du: Har erfaring med barn og unge og arbeid frå barnevernteneste, og har god evne til kontaktetablering i møte med barn, unge og deira nettverk Kan jobba målretta og ha evne til å strukturere eigen kvardag, samt ta sjølvstendige avgjerdsle Har evne til å handtera høgt arbeidstempo og stå i relasjonar over tid Er initiativrik, løysingsorientert, har gode samarbeidsevne, engasjement og syner god fagleg forståing Har god skriftleg og munnleg framstillingsevne og noko økonomiforståing Har kunnskap om aktuelt lovverk. Er datakunnig og har interesse for system- og kvalitetssikring i dataverktøy. Personleg eignaheit vil verta vektlagt. Du vert del av: Eit fagleg fellesskap rundt den enkelte familie Ein dynamisk og meiningsfull arbeidskvardag med eit godt og inkluderande arbeidsmiljø Eit fagområde i kontinuerleg utvikling der det er mogleg med påverknad, endring og ny læring Me kan tilby: Varierte arbeidsoppgåver i eit tverrfagleg fagmiljø. Godt arbeidsmiljø. Stord ve og vel med moglegheit for leige av leilegheiter i Røldal, Husøy med båt og utleige av tilhengarar mm. Løns- og arbeidsvilkår i samsvar med kommunalt avtaleverk. Offentleg tenestepensjon Dersom søkjar ynskjer å verta unnateke frå offentleg søkjarliste, må det grunngjevast. Opplysningar om søkjaren kan bli offentleggjort, sjølv om søkjar har bedt om ikkje å verta oppført på søkjarlista. Søkjar vert varsla dersom ynskje om reservasjon ikkje vert teke til fylgje.